دہشتگردی کیخلاف پاکستانی پالیسیوں کی حمایت کرتے ہیں، چین

اسلام ٹائمز۔ چین نے دہشتگردی کے خلاف اپنائی جانے والی پاکستانی پالیسیوں کی حمایت کا اعلان کیا ہے۔ بیجنگ میں میڈیا سے بات کرتے ہوئے چینی وزارت خارجہ کے ترجمان ہانگ لی کا کہنا تھا کہ پاکستان میں سکیورٹی کی صورتحال بہتر بنانے کیلئے حکومتی اقدامات خوش آئند ہیں اور چین دہشت گردی کے خلاف کی جانے والی کوششوں کی مکمل حمایت کرتا ہے۔ ترجمان کا کہنا تھا کہ چین پاکستان میں سماجی استحکام اور معاشی ترقی کا خواہاں ہے۔