وہ دن دور نہیں جب عوام سکھ کا سانس لے گی اور دہشتگرد انجام کو پہنچیں گے، شرجیل میمن

اسلام ٹائمز۔ سندھ کے وزیر اطلاعات شرجیل انعام میمن نے کہا ہے کہ مفرور دہشت گردوں کا گھیرا تنگ کیا جا رہا ہے۔ پولیس اور رینجرز کی کارروائیوں سے عوام کا اعتماد بحال ہوا ہے۔ اپنے ایک بیان میں صوبائی وزیر اطلاعات شرجیل میمن نے کہا کہ قانون نافذ کرنے والے اداروں کا مورال بلند ہے۔ مفرور دہشت گردوں کا گھیرا تنگ کیا جا رہا ہے، دہشتگردوں کو چھپنے کی جگہ نہیں مل رہی۔ انہوں نے کہا کہ پولیس اور رینجرز کی کارروائیوں سے عوام کا اعتماد بحال ہو رہا ہے۔ جن ٹارگٹ کلر کو گرفتار کیا جا رہا ہے ان کی مدد سے مزید گرفتاریاں کی جا رہی ہیں۔ شرجیل انعام میمن نے کہا کہ وہ دن دور نہیں جب عوام سکھ کا سانس لے گی اور دہشتگرد انجام کو پہنچیں گے۔