آئی ایس او پشاور ڈویژن کا تین روزہ سالانہ کنونشن 25 اکتوبر کو شروع ہوگا

اسلام ٹائمز۔ امامیہ اسٹوڈنٹس آرگنائزیشن پشاور ڈویژن کا سالانہ ’’اُمید مستضعفین جہاں‘‘ کنونشن 27,26,25 اکتوبر کو بمقام مدرسہ جامعہ شہید عارف حُسین الحُسینی پشاور میں منعقد ہوگا۔ ڈویژنل سیکرٹری اطلاعات وسیم عباس کے مطابق اس 3 روزہ کنونشن کے اہم پروگرامات میں بیداری اسلامی کانفرنس، شبِ شہداء، محفل مذاکرہ، اسکائوٹ سلامی، دُعا و عزاداری کا انعقاد شامل ہے۔ کنونشن میں ڈویژن بھر سے اعلیٰ تعلیمی اِداروں، کالجز اور یونیورسٹیز کے طلباء، عمائدین، علماء کرام، تنظیم سے وابسطہ سابقین، وارثانِ شہداء اور دیگر مہمانانِ گرامی شریک ہونگے۔ تین روزہ کنونشن میں تمام یونٹس اور ڈویژن کی کارکردگی پر بحث ومباحثہ ہوگا اور بہترین کارکردگی کی بنیاد پر انعامات تقسیم کئے جائیں گے۔ کنونشن کا سب سے اہم مرحلہ نئے ڈویژنل صدر کا انتخاب ہوگا۔