اسلام ٹائمز۔ جعفریہ اسٹوڈنٹس آرگنائزینش پاکستان کے مرکزی صدر ساجد علی ثمر نے اپنے ایک بیان میں ملک بھر میں بڑھتی ہوئی مہنگائی، اور مختلف عوامی مسائل پر حکومتی عدم توجہی اور لاپرواہی کو قابل افسوس اور لمحکہ فکریہ قرار دیتے ہوئے موقف اختیار کیا ہے کہ حکمرانوں کے رویئے سے ایسا لگتا ہے کہ انہیں عوامی مسائل سے کوئی سروکار نہیں اور انہیں صرف اپنے اقتدار اور کرسی کی فکر لاحق ہے جبکہ دوسری جانب غریب عوام کا معاشی استحصال کیا جا رہا ہے اور ٹیکس کا اضافی بوجھ ڈال کر اور مہنگائی عروج پر پہنچا کر عوام پر عرصہ حیات تنگ کیا جا رہا ہے۔