اسلام ٹائمز۔ شیعہ علماء کونسل پاکستان کے مرکزی سیکرٹری جنرل علامہ عارف حسین واحدی نے سربراہ ایس یو سی علامہ ساجد نقوی کے حکم پر بلدیاتی انتخابات کو چہلم کے بعد منعقد کرانے کی پٹیشن ہائی کورٹ اسلام آباد میں دائر کر دی ہے۔ درخواست میں موقف اختیار کیا گیا ہے کی ملک کی ایک بہت بڑی کمیونٹی عزادری میں مصروف ہے، جو موجودہ صورتحال میں الیکشن میں حصہ نہیں لے سکتی دوسری جانب سکیورٹی ادارے بھی ایام عزاء میں مصروف ہیں لہٰذا عوام کو اس کے حق سے محروم نہ کیا جائے اور بلدیاتی انتخابات ٢٠ سفر چہلم امام حسین (ع) تک ملتوی کئے جائیں۔ پٹیشن کی سماعت کل اسلام آباد ہائی کورٹ میں ہو گی۔