پنجاب میں فوجی دستوں کے قیام میں توسیع کی درخواست

اسلام ٹائمز۔ محکمہ داخلہ پنجاب نے وزارت داخلہ سے درخواست کی ہے کہ صوبے میں تعینات فوجی دستوں کے قیام میں توسیع کی جائے، محکمہ داخلہ کی جانب سے وزارت داخلہ کو بھیجے گئے خط میں کہا گیا ہے کہ صوبے میں عشرہ محرم پر تعینات فوجی دستوں کا قیام تاحکم ثانی بڑھا دیا جائے۔ ذرائع کے مطابق یہ خط امن وامان کی موجودہ صورتحال کے پیش نظر لکھا گیا ہے۔