شہادت حسینؑ نے حق و باطل کے فرق کو واضح کر دیا، سلطان فیاض الحسن

اسلام ٹائمز۔ ٹوبہ ٹیک سنگھ کے قصبہ رجانہ میں فکر حسینؑ کے موضوع پر منعقدہ تقریب سے خطاب کرتے ہوئے صدر مشائخ کونسل صاحبزادہ سلطان فیاض الحسن قادری نے کہا کہ حضرت امام حسینؑ سے محبت کا تقاضا ہے کہ ان کے اسوہ پر عمل کیا جائے۔ محرم الحرام کی مناسبت سے اسوہ حسینیؑ پر گفتگو کرتے ہوئے انہوں نے کہا کہ شہادت حسینؑ کے بعد کائنات انسانی کو دو کردار مل گئے جو حق و باطل کے فرق کو واضح کرتے ہیں۔ یزیدیت ظلم، استحصال، جبر اور قتل و غارت گری کی علامت ہے جبکہ حسینیت عدل، امن، وفا، صبر اور استقامت کا نام ہے۔