اسلام ٹائمز۔ شیعہ علماء کونسل بلتستان کے صدر علامہ شیخ فدا حسن عبادی نے کہا ہے کہ شاہراہ قراقرم بارہ دنوں سے مسلسل بند رکھا ہوا ہے، جو کہ گلگت بلتستان کے عوام کے ساتھ سنگین مذاق اور زیادتی ہے۔ حکومت فوری طور پر شاہراہ قراقرم کی سیکیورٹی کو مزید سخت کرے اور اس روڈ کو جلد از جلد کھول دیا جائے۔ ان خیالات کا اظہار انہوں نے میڈیا سے گفتگو کے دوران کیا۔ انہوں نے کہا ہے کہ جب بھی حالات خراب ہوتے ہیں تو حکومت حالات ٹھیک کرنے کے بجائے گلگت اور راولپنڈی روڈ کو بند کر دیا جاتا ہے، اس سے نہ صرف گلگت بلتستان کے مسافروں کو مشکلات کا سامنا ہوتا ہے بلکہ پورے گلگت بلتستان میں اشیاء خوردونوش کے مسائل بھی پیدا ہوتے ہیں۔

اسلام ٹائمز