اسلام ٹائمز۔ حافظ آباد میں جماعت کے کارکنوں سے بات کرتے ہوئے پاکستان سنی تحریک کے ضلعی صدر محمد عثمان حیدر نقوی نے کہا ہے کہ اے پی سی میں طالبان سے مذاکرات کا فیصلہ متفقہ نہیں تھا۔ انہوں نے منڈی بہاؤالدین اور پنڈی بھٹیاں کے ذمہ داروں محمد رضوان قادری، محمد ابرار قادری، محمد منظور سیالوی اور کاشف قادری کے ہمراہ ملنے والے وفود سے گفتگو کرتے ہوئے کہا کہ نظام مصطفیؑ نافذ کر دیا جائے تو ملک سے دہشت گردی کا خاتمہ ممکن ہے۔ ان کا کہنا تھا کہ دہشت گردی اور بد امنی کے خاتمے کے لیے ضروری ہے کہ حکومت اور مسلح افواج طالبان کے ساتھ مذاکرات کی بجائے انکے خلاف جہاد کریں۔