کوئٹہ کے مکان میں گیس لیکیج سے دھماکہ ،2بچیاں جاں بحق

اسلام ٹائمز۔ کوئٹہ کے علاقے سیٹلائٹ ٹاؤن کے ایک گھر میں سوئی گیس کمرے میں بھر جانے کے باعث ہونے والے دھماکے سے دو بچے جان بحق جبکہ تین زخمی ہوگئے۔ پولیس کے مطابق سیٹلائٹ ٹاؤن کے علاقے غوث آباد کے ایک گھر میں ایک خاتون نے پانی گرم کرنے کیلئے تیلی جلائی تو سوئی گیس بھرنے کے باعث دھماکہ ہوا جس سے جھلس کر 2 بچے 6 ماہ کا رفیق اللہ اور 10 سالہ سعدیہ جان بحق ہوگئیں جبکہ 2 خواتین سمیت تین افراد زخمی ہوئے جنہیں طبی امداد کیلئے سول ہسپتال منتقل کردیا گیا۔