غذر میں پی ٹی وی کے براڈ کاسٹ سٹیشن کا آغاز

اسلام ٹائمز۔ پاکستان کا سرکاری ٹی وی چینل پاکستان ٹیلی ویژن نے گلگت بلتستان کے ضلع غذر میں اپنے براڈ کاسٹ سٹیشن کا آغاز کردیا ہے۔ پاکستان ٹیلی ویژن ذرائع کے مطابق ابتدائی طور پر غذر میں پاکستان ٹیلی ویژن نیٹ ورک کی نشریات کا دورانیہ دو گھنٹے پر محیط ہے۔ پی ٹی وی حکام کا کہنا تھا کہ آزمائشی نشریات کے بعد ضلع غذر میں پاکستان ٹیلی ویژن کی نشریات دکھائے جانے کا باقاعدہ آغاز کردیا جائے گا، جس کے نتیجے میں غذر کی عوام بغیر ڈش اور کیبل سروس کے پاکستان ٹیلی ویژن کی نشریات باآسانی دیکھ سکیں گے۔