اسلام ٹائمز۔ امریکہ ہٹ دھرمی سے باز نہ آیا۔ شمالی وزیرستان میں ایک بار پھر ڈرون حملہ میں چار افراد جاں بحق ہوگئے۔ ڈرون حملہ شمالی وزیرستان کے ہیڈ کوارٹرز میرانشاہ کے قریب ماچس گاؤں کے ایک مکان پر کیا گیا۔ حملے میں دو میزائل داغے گئے جس کے نتیجے میں چار افراد جاں بحق ہوگئے۔ مقامی افراد نے ملبے سے 4 افراد کی لاشیں نکال لیں۔ 8 امریکی جاسوس طیارے کافی دیر تک علاقے میں نچلی پروازیں کرتے رہے، جس سے لوگوں میں خوف و ہراس پھیل گیا اور امدادی کارروائیوں میں مشکلات پیش آئیں۔