اسلام ٹائمز۔ مجلس وحدت مسلمین گلگت ڈویژن کے ترجمان سعید الحسنین نے وحدت ہاوس گلگت سے جاری اپنے ایک بیان میں کہا ہے کہ ظالم اور مظلوم میں فرق واضح کئے بغیر علاقے میں مستقل قیامِ امن کا خواب شرمندہ تعبیر نہیں ہو سکتا ہے۔ انہوں نے گلگت کے مختلف علاقوں سے توازن کی ظالمانہ پالیسی کے تحت بیگناہ شیعہ نوجوانوں اور مذہبی راہنماوں و کارکنان کی مبینہ گرفتاریوں کی اطلاعات پر تشویش کا اظہار کرتے ہوئے انتظامیہ کو امن پسند اور شرپسند میں تمیز کرنے اور مہذب و شریف شہریوں کو بےجا تنگ کرنے کا سلسلہ فوری طور پر بند کرنے کا مطالبہ کیا۔