0
Saturday 11 Jan 2014 01:43

کراچی میں ایام عزا کا آخری جلوس اختتام پذیر

کراچی میں ایام عزا کا آخری جلوس اختتام پذیر
اسلام ٹائمز۔ شہر قائد میں ایام عزا کا آخری جلوس امام بارگاہ شاہ نجف مارٹن روڈ پر اختتام پذیر ہوگیا ہے۔ کراچی میں چپ تعزیہ کے مرکزی جلوس نشتر پارک اور رضویہ سوسائٹی سے برآمد ہوئے تھے۔ حضرت امام حسن عسکری علیہ السلام کے یوم شہادت کی مناسبت سے چپ تعزیہ کا مرکزی جلوس نماز فجر کے بعد نشتر پارک سے برآمد ہوا جو کہ اپنے روایتی راستوں سے ہوتے ہوئے حسینیان ایرانیاں کھارادار پہنچ کر اختتام پذیر ہوا جبکہ آخری جلوس قصر مسیّب رضویہ سوسائٹی سے برآمد ہو کر امام بارگاہ شاہ نجف مارٹن روڈ پر پہنچ کر اختتام پذیر ہوا۔ جلوس عزا میں ہزاروں کی تعداد میں عزادار خواتین و حضرات، بچوں، جوانوں اور بزرگوں نے شرکت کی جو کہ تمام راستے ماتم داری کرتے رہے۔ جلوس کے تمام راستوں میں پولیس کی بھاری نفری تعینات تھی جبکہ جلوس میں شریک ہونے والوں کی جامہ تلاشی کے بعد ہی شامل ہونے کی اجازت دی گئی۔ جلوس کے راستے میں تمام داخلی اور خارجی راستوں پر رکاوٹیں لگائی گئی تھیں۔ حفاظتی حصار میں نکلنے والے اس جلوس میں رینجرز اور پولیس اہلکاروں کو تعینات کیا گیا تھا جبکہ جلوس کی گزرگاہ پر موقع عمارتوں کی چھتوں پر بھی قانون نافذ کرنے والے اداروں کی نفری لگائی گئی تھی۔ جلوس کے راستے میں جگہ جگہ پانی کی سبلیں اور نذر و نیاز کا خصوصی اہتمام کیا گیا تھا، جب کہ مختلف اسکاوٹس تنظیمیوں کے رضاکاروں کی کثیر تعداد بھی جلوس کی سکیورٹی پر مامور رہی۔
خبر کا کوڈ : 339831
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش