اسلام ٹائمز - چودھری نثار پارلیمنٹ کو اعتماد میں نہیں لے سکتے تو طالبان سے مذاکرات کیسے کر سکتے ہیں، خورشید شاہ

چودھری نثار پارلیمنٹ کو اعتماد میں نہیں لے سکتے تو طالبان سے مذاکرات کیسے کر سکتے ہیں، خورشید شاہ

اسلام ٹائمز: اسلام آباد میں اپوزیشن لیڈر کا کہنا تھا کہ مردم شماری کے بغیر بلدیاتی الیکشن نہ کرائے جائیں، ماضی میں گیس لوڈشیڈنگ پر بہت شور مچایا گیا، اب مسلم لیگ نون بتائے گیس کہاں ہے؟۔

اسلام ٹائمز۔ قومی اسمبلی میں اپوزیشن لیڈر خورشید شاہ نے کہا ہے کہ کوئی بھی پریشان نہ ہو پرویز مشرف کمانڈر ہیں اور وہ صحت یاب ہوتے ہی عدالت میں حاضر ہو جائیں گے۔ طبیعت زیادہ خراب ہونے پر ایئر ایمبولینس بھی آجائے گی۔ قائد حزب اختلاف نے کہا کہ وہ قسم اٹھا کر کہتے ہیں کہ نواز شریف اسمبلی آ جائیں اپوزیشن کچھ نہیں کہے گی۔ اسلام آباد میں میڈیا سے گفتگو کرتے ہوئے انہوں نے مزید کہا کہ وہ سوات میں امن کیلئے فوجی چھائونی سمیت ہر اقدام کی حمایت کریں گے۔ انہوں نے کہا کہ چودھری نثار علی خان پارلیمنٹ میں اپنے ساتھیوں کو اعتماد میں نہیں لے سکتے تو طالبان سے مذاکرات کیسے کر سکتے ہیں؟۔ ان کا کہنا تھا کہ مردم شماری کے بغیر بلدیاتی الیکشن نہ کرائے جائیں۔ اپوزیشن لیڈر کا کہنا تھا کہ ماضی میں گیس لوڈشیڈنگ پر بہت شور مچایا گیا، اب مسلم لیگ نون بتائے گیس کہاں ہے؟۔