ملتان، معروف چوک نواں شہر کا نام میجر جہانزیب شہید کے نام میں تبدیل

اسلام ٹائمز۔ پاک فوج کے میجر جہانزیب عدنان جو کہ پشاور میں کالعدم تحریک طالبان کے حملے میں شہید ہوئے تھے اُنہیں خراج تحسین پیش کرنے کے لیے ملتان کی ضلعی انتظامیہ نے شہر کے معروف چوک نواں شہر کو میجر جہانزیب عدنان کے نام سے موسوم کردیا، اس حوالے سے باقاعدہ طور پر تقریب منعقد ہوئی، جس سے شہید کے والد لیفٹیٹنٹ کرنل(ریٹائرڈ)نور محمد، شہید کی والدہ، بھائی، بہن، شہید کی زوجہ اور ڈی سی او ملتان نے خطاب کیا، اس موقع پر پنجاب پولیس کی جانب سے شہید کو سلامی دی گئی، بعدازاں ڈی سی او ملتان زاہداکرم گوندل اور شہید کی فیملی نے تختی کی نقاب کشائی کی۔