اسلام ٹائمز۔ ایس ایس پی سی آئی ڈی فاروق اعوان کے مطابق کالعدم دہشتگرد تنظیم سے تعلق رکھنے والے ملزمان یاسین، عطا الرحمان، رفیق،ساجد عباس اور ندیم کو کراچی کے علاقے لائنز ایریا میں مقابلے کے بعد گرفتار کیا گیا ہے اور ملزمان فرقہ وارانہ واقعات، چوری، ڈکیتی، قتل اور بھتہ خوری کی کئی وارداتوں میں پولیس کو مطلوب تھے۔ فاروق اعوان نے کہا کہ ملزمان سے تفتیش جاری ہے اور ان کے ساتھیوں کی گرفتاری کے لئے بھی کارروائیاں شروع کر دی گئی ہیں۔