وکلاء اپنے درمیان کالی بھیڑوں سے باخبر رہیں، جسٹس فصیح الملک

اسلام ٹائمز۔ چیف جسٹس پشاور ہائی کورٹ جسٹس میاں فصیح الملک نے کہا ہے کہ اگر عدالتیں اسی طرح فعال طریقے سے کام کرتی رہیں تو عدالتوں پر عوام کا اعتماد بحال ہو گا۔ پشاور ہائی کورٹ میں بار ایسوسی ایشن کی نو منتخب کابینہ کی تقریب حلف براداری سے خطاب کرتے ہوئے چیف جسٹس میاں فصیح الملک نے کہا کہ عوام کی آزاد عدلیہ سے بڑی امیدیں وابستہ ہیں، وکلاء اپنے درمیان کالی بھیڑوں سے باخبر رہیں۔ ان کہنا تھا کہ اگر عدالتیں اسی طرح فعال طریقے سے کام کرتی رہیں تو عدالتوں پر عوام کا اعتماد بڑھے گا اور ملک میں قانون کی حاکمیت قائم ہوگی۔