اسلام ٹائمز۔ وفاقی حکومت نے فرقہ واریت سے چھٹکارے او ر بین المسالک ہم آہنگی کے لئے مشترکہ پلیٹ فارم بنانے کا فیصلہ کر لیا جس کا چیئرمین مذہبی حلقوں میں اثر و رسوخ رکھنے والا غیر جانبدار شخص ہو گا۔ وزارت مذہبی امور کے ذرائع نے بتایا کہ وفاقی حکومت کی ہدایت پر وزارت مذہبی امور نے اس حوالہ سے اسلام آباد، لاہور، پشاور، کراچی اور کوئٹہ میں مسلکی ہم آہنگی سے متعلق پروگرام منعقد کئے جبکہ اگلے مرحلے میں وفاقی وزیر مذہبی امور سردار یوسف مذہبی رہنماؤں سے ملاقاتیں کریں گے اور مشاورت کے بعد مشترکہ کونسل کے قیام کی توقع ہے ، کونسل کا چیئرمین ایسے شخص کو بنایا جائے گاجو تمام مسالک کے لئے قابل قبول ہو۔