QR CodeQR Code

آئی ایس آئی کی حمایت میں کالعدم تنظیموں کے مظاہروں نے منفی تاثر کو جنم دیا ہے، مولانا فضل الرحمان

29 Apr 2014 10:48

اسلام ٹائمز: سربراہ جے یو آئی (ف) نے اسلام آباد سے جاری بیان میں کہا ہے کہ حامد میر پر حملے کے بعد پیدا ہونے والی صورتحال کے باعث فوج، میڈیا، سیاسی جماعتوں اور عوام میں بے چینی پائی جاتی ہے۔


اسلام ٹائمز۔ جمعیت علمائے اسلام کے امیر مولانا فضل الرحمان نے کہا ہے کہ حامد میر پر حملے سے ملک میں عدم تحفظ کا ماحول پیدا ہوا ہے، جیو نیوز کی بندش کا حامی نہیں ہوں، آئی ایس آئی کی حمایت میں کالعدم تنظیموں کے مظاہروں نے منفی تاثر کو جنم دیا ہے۔ اسلام آباد سے جاری بیان میں مولانا فضل الرحمان نے کہا ہے کہ حامد میر پر حملے کے بعد پیدا ہونے والی صورتحال کے باعث فوج، میڈیا، سیاسی جماعتوں اور عوام میں بے چینی پائی جاتی ہے، موجودہ اضطراب سے نکلنے کے لیے احتیاط کی ضرورت ہے۔ انہوں نے کہا ہے کہ وزارت دفاع کی جانب سے دائر درخواست پر پیمرا کے فیصلے کا انتظار ہے، ہم جیونیوز کی بندش کے حامی نہیں۔ مولانا فضل الرحمان کا کہنا تھا کہ آئی ایس آئی کی حمایت میں کالعدم تنظیموں کے مظاہروں نے اس کے وقار کے بارے میں منفی تاثر پیدا کیا،جسے دور کرنے کی ضرورت ہے۔


خبر کا کوڈ: 377384

خبر کا ایڈریس :
https://www.islamtimes.org/ur/news/377384/آئی-ایس-کی-حمایت-میں-کالعدم-تنظیموں-کے-مظاہروں-نے-منفی-تاثر-کو-جنم-دیا-ہے-مولانا-فضل-الرحمان

اسلام ٹائمز
  https://www.islamtimes.org