QR Code

ہنگو، دہشتگردوں نے دکان پر فائرنگ کرکے فرہاد علی کو شدید زخمی کردیا

1 May 2014 08:12

اسلام ٹائمز: ذرائع کے مطابق فرہاد علی ہنگو کے پٹ بازار میں واقع اپنی دکان میں موجود تھے کہ دہشتگردوں نے ان پر فائرنگ کردی، جس کے نتیجے میں فرہاد علی شدید زخمی ہوگئے، جبکہ دہشتگرد فرار ہونے میں کامیاب ہوگئے۔

اسلام ٹائمز۔ خیبر پختونخوا کے ضلع ہنگو میں دہشتگردوں نے دکان پر فائرنگ کرکے فرہاد علی نامی شیعہ نوجوان کو شدید زخمی کردیا۔ ذرائع کے مطابق فرہاد علی ہنگو کے پٹ بازار میں واقع اپنی دکان میں موجود تھے کہ دہشتگردوں نے ان پر فائرنگ کردی، جس کے نتیجے میں فرہاد علی شدید زخمی ہوگئے، جبکہ دہشتگرد فرار ہونے میں کامیاب ہوگئے۔ فرہاد کو شدید زخمی حالت میں اسپتال منتقل کیا گیا۔ ذرائع کا کہنا ہے کہ فرہاد علی کو چہرے پر گولیاں لگی ہیں۔ واضح رہے کہ ضلع ہنگو میں عرصہ دراز سے اہل تشیع کو دہشتگردوں کی جانب سے ٹارگٹ کلنگ، بم دھماکوں اور جنگوں کے ذریعے بے حد جانی نقصان پہنچایا گیا ہے۔

خبر کا کوڈ: 378171