مچھ میں بجلی ٹاور گرنے سے بلوچستان کے 28 اضلاع کو بجلی کی فراہمی معطل

اسلام ٹائمز۔ مچھ کے علاقے میں ہائی ٹرانسمیشن لائن کے 2 ٹاور گرنے سے بلوچستان کے 28 اضلاع کو بجلی کی فراہمی معطل ہوگئی۔ تفصیلات کے مطابق بدھ کو مچھ کے علاقے میں تیز آندھی کے نتیجے میں ہائی ٹرانسمیشن لائن کے 2 ٹاور گر گئے۔ جس کے نتیجے میں کوئٹہ سمیت بلوچستان کے 28 اضلاع کو بجلی کی فراہمی معطل ہوگئی۔ کیسکو ذرائع نے بتایا کہ بجلی کی فراہمی معطل ہونے کی وجہ سے متبادل ذرائع سے کوئٹہ سمیت دیگر اضلاع کو بجلی وقفے وقفے سے فراہم کی جا رہی ہے۔