اسلام ٹائمز۔ شہر قائد میں پولیس موبائل پر دستی بم پھینکا گیا جو خوش قسمتی سے پھٹ نہ سکا، بم ڈسپوزل اسکواڈ نے بم ناکارہ بنا دیا۔ تفصیلات کے مطابق آرام باغ تھانے کی حدود میں ڈی ایم سی چوک کے قریب اسنیپ چیکنگ جاری تھی کہ نامعلوم افراد نے پولیس موبائل پر دستی بم پھینکا اور فرار ہوگئے۔ خوش قسمتی سے بم پھٹ نہ سکا۔ فوری طور پر بم ڈسپوزل اسکواڈ کو طلب کیا گیا جس نے بم ناکارہ بنا دیا۔ بی ڈی ایس کے مطابق بم روسی ساختہ تھا۔ واقعے کے بعد پولیس کی نفری جائے وقوعہ پر پہنچ گئی۔