QR Code

نواز شریف دانشمندانہ فیصلوں سے عاری ہوچکے ہیں

قومی اداروں پر ایک کمرشل ادارے کو ترجیح دینا سمجھ سے بالاتر ہے، حمید گل

30 May 2014 08:58

اسلام ٹائمز: لاہور میں میڈیا سے بات کرتے ہوئے آئی ایس آئی کے سابق چیف کا کہنا تھا کہ نریندر مودی کیلئے لچک دکھائی جاسکتی ہے تو قومی اداروں کیلئے کیوں نہیں، نواز شریف دانشمندانہ فیصلوں سے عاری ہوچکے ہیں۔

اسلام ٹائمز۔ آئی ایس آئی کے سابق سربراہ جنرل حمید گل نے کہا ہے کہ پاکستانی قوم تاریخ کے فیصلہ کن موڑ پر کھڑی ہے، اسلام آباد زبردست افواہوں کی زد میں ہے، نریندر مودی کے لئے لچک دکھائی جاسکتی ہے تو قومی اداروں کے لئے کیوں نہیں، نواز شریف دانشمندانہ فیصلوں سے عاری ہوچکے ہیں۔ دورہ بھارت کے دوران کشمیر پر بات نہ کرنا افسوس ناک ہے۔ قوم کے احساسات اور جذبات کی ترجمانی نہیں کی گئی۔ لاہور میں میڈیا سے بات کرتے ہوئے حمید گل نے کہا کہ سمجھ سے بالاتر ہے کہ قومی اداروں پر ایک کمرشل ادارے کو ترجیح کیوں دی جارہی ہے۔

خبر کا کوڈ: 387642