اسلام ٹائمز۔ سندھ رینجرز نے پشاور ایئرپورٹ واقعہ کے بعد کراچی ایئرپورٹ کے قریب ماڈل کالونی کے علاقے میں چوکیاں اور بلند ٹاور بنانے کا فیصلہ کرلیا ہے۔ ترجمان رینجرز کے مطابق ڈی جی رینجرز سندھ میجر جنرل رضوان اختر نے ایئرپورٹ کے اطراف ملیر کے علاقے ماڈل کالونی کا دورہ کیا اور ایئرپورٹ کے قریب ماڈل کالونی میں رینجرز کی چوکیاں اور بلندٹاور قائم کرنے کا فیصلہ کیا ہے۔ فیصلہ پشاور میں جہاز پر فائرنگ کے واقعے کے بعد کیا گیا۔ ڈی جی رینجرز نے چوکیوں اور ٹاور بنانے کی منظوری ماڈل کالونی کے دورے پر دی۔