اسلام ٹائمز۔ خیبر پختونخوا حکومت کے زیر اہتمام آل پارٹیز کانفرنس کل منعقد ہو گی۔ اے پی سی اجلاس کے لئے تمام انتظامات مکمل کرلئے گئے ہیں۔ وزیر اعلیٰ ہائوس پشاور میں منعقد ہونے والی اے پی سی میں مختلف سیاسی جماعتوں کو شرکت کی دعوت دی گئی ہے۔ اے پی سی میں شمالی وزیرستان میں آپریشن اور اس سے پیدا ہونے والی صورتحال کا جائزہ لیا جائے گا اور ان حالات سے نمٹنے کے لئے آئندہ کا لائحہ عمل طے کیا جائے گا۔