نیویارک:
اسلام ٹائمز-جنگ نیوز کے مطابق اسرائیل نے امریکا سے دنیا کے جدید ترین F-35 لڑاکا طیارے خریدنے کے معاہدے پر دستخط کئے ہیں۔نیویارک میں اسرائیلی قونصل خانے میں دستخط ہونیوالے معاہدے کی مالیت پونے تین ارب ڈالر ہے۔معاہدے کے تحت امریکا سال 2015 سے 2017 کے درمیان اسرائیل کو 20 ایف35 لڑاکا طیارے فراہم کریگا۔ امریکی محکمہ دفاع پنٹاگون کے ذرائع نے معاہدے پر دستخط کی تصدیق کی ہے،تاہم اس کی تفصیلات نہیں بتائیں۔ریڈار پر نظر نہ آنے والے F-35 طیارے کو دنیا کا جدید ترین لڑاکا طیارہ سمجھا جاتا ہے۔