اسلام ٹائمز۔ وفاقی اور سندھ حکومت میں معاملات کسی حد تک طے پاگئے ہیں، آئی جی سندھ کے عہدے پر میر زبیر محمود کو تعینات کئے جانے کا امکان ہے۔ اطلاعات کے مطابق اس کا حتمی فیصلہ وفاقی حکومت وزیراعلیٰ سندھ سید قائم علی شاہ سے حتمی مشاورت کے بعد کرے گی۔ جبکہ اس بات کی بھی اطلاعات ملی ہیں کہ موجودہ قائم مقام آئی جی سندھ غلام حیدر جمالی کو بھی مستقل طور پر آئی جی سندھ کا چارج دینے کے بارے میں بھی غور کیا جا رہا ہے۔