0
Friday 18 Jul 2014 16:27
اسلام ٹائمز۔ محکمہ داخلہ سندھ نے یوم علی علیہ السلام پر موبائل فون سروس بند کرنے کی سفارش کر دی۔ اطلاعات کے مطابق محکمہ داخلہ سندھ نے وفاقی حکومت کو خط لکھا ہے کہ یوم علی (ع) کے موقع پر اتوار کو صبح 11 بجے سے رات 11 بجے تک موبائل فون سروس بند رکھی جائے۔ محکمہ داخلہ سندھ کا کہنا ہے کہ موبائل فون سروس کی بندش کی استدعا دہشت گردی کے خدشے کے پیش نظر کی گئی ہے۔ واضح رہے کہ سندھ حکومت پہلے ہی امن وامان کے خدشات کے پیش نظر کراچی سمیت صوبے بھر میں یوم علی (ع) کے موقع پر 3 روز تک موٹر سائیکل کی ڈبل سواری پر پابندی عائد کر چکی ہے۔