اسلام ٹائمز۔ جماعت اسلامی کے مرکزی امیر سراج الحق نے کہا ہے کہ امریکا یا استعماری قوتیں پاکستان میں جمہوریت کے بجائے آمریت کے حق میں ہیں، امریکا کو جمہوریت وہیں قبول ہوتی ہے جہاں اس کے مفاد میں ہوتی ہے۔ ان خیالات کا اظہار انہوں نے ایک نجی ٹی وی چینل کے پروگرام میں اظہار خیال کرتے ہوئے کیا، سراج الحق کا کہنا تھا کہ پاکستان میں جمہوری نظام قائم رہنا چاہئے، تاہم امریکی سمیت دیگر استعماری قوتیں یہ نہیں چاہتیں کہ یہاں جمہوریت ہو۔