اسلام ٹائمز۔ سنی تحریک کے شہید قائد و بانی محمد سلیم قادری کے صاحبزادے بلال سلیم قادری نے کہا ہے کہ حالات واقعات سے ایسا محسوس ہوتا ہے کہ نواز حکومت سابقہ روایت کو برقرار رکھنا چاہتی ہے، نواز حکومت کے غیر سنجیدہ اقدامات سے لگتا ہے کہ حکومت کو گھر جانے کی جلدی ہے۔ اپنے ایک بیان میں بلال سلیم قادری نے کہا کہ نواز حکومت کے وزراء اور مشیر طاقت کے نشے میں بدمست ہوگئے ہیں، ریاستی دہشتگردی کے ذریعے عوام کا جمہوری حق چھینا جا رہا ہے۔ انہوں نے کہا کہ طاقت کا بے جا استعمال جاری رہا تو حالات کنٹرول سے باہر ہو جائیں گے۔ بلال سلیم قادری نے مزید کہا کہ حکومتی وزراء اور مشیر اتنا ظلم کریں جتنا خود برداشت کر سکیں، حکومت تو آنی جانی ہے۔