اسلام ٹائمز۔ گلگت بلتستان میں تھری جی اور فورجی کی سہولت ابھی تک فراہم نہ کی جا سکی۔ وزیراعظم کی ہدایت کے باوجود اب تک موبائل فون صارفین اب تک اس جدید سہولت سے محروم ہیں۔ لوگوں کا کہنا ہے کہ اس جدید دور میں گلگت بلتستان کے لوگوں کو اس جدید سہولت سے محروم رکھنا سراسر ناانصافی ہے۔ حکومت یہاں فوری طور پر تھری جی اور فورجی کی سہولت فراہم کرنے کے لیے عملی اقدامات کرے۔ دوسری جانب موبائل فون کمپنیوں کے مالکان کا کہنا ہے کہ تھری جی اور فورجی کی فراہمی کے لیے اقدامات کیے جا رہے ہیں اور مشینری لگائی جا رہی ہے گلگت بلتستان کے صارفین بہت جلد اس سہولت سے استفادہ حاصل کر سکیں گے تاہم ان کا کہنا تھا کہ حتمی تاریخ کے حوالے سے کچھ نہیں بتایا جا سکتا۔

اسلام ٹائمز