آج فائنل ہے، میچ 3 بجے شروع ہوگا، ہوسکتا ہے کہ ورلڈ کپ کا فائنل ہی ہوجائے، عمران خان

اسلام ٹائمز۔ پاکستان تحریک انصاف کے چیئرمین عمران خان نے کہا ہے کہ آج فائنل ہے، میچ 3 بجے شروع ہوگا، ہوسکتا ہے کہ ورلڈ کپ کا فائنل ہی ہوجائے۔ لگتا ہے کہ انسانوں کا سمندر دیکھ کر وزیراعظم خود ہی استعفٰی دے دیں گے۔ اسلام آباد کے کشمیر چوک پر پاکستان تحریک انصاف کا دھرنا جاری ہے۔ پی ٹی آئی کی ٹیم کے کپتان ہر تھوڑی دیر بعد ڈائس پر آکر اپنے کارکنوں سے خطاب کرتے رہے اور موجودہ سرکار کو کھلم کھلا للکارتے رہے۔ عمران خان نے تازہ تقریر میں کہہ دیا ہے کہ اتوار پاکستان کی تاریخ کا فیصلہ کن دن ہے اور یہ فیصلہ کن میچ آج 3بجے کھیلا جائے گا۔ عمران خان نے مزید کہا ہے کہ ان کو لگتا ہے کہ انسانوں کا سمندر دیکھ کر وزیراعظم خود ہی استعفٰی دے دیں گے۔ رات گئے ہونے والا خطاب عمران خان کا آج کا آخری خطاب تھا جس کے بعد انہوں نے سونے پر اصرار کیا اور کارکنوں کو کہا کہ رات 3 بجے سے آج سہ پہر 3بجے تک آرام ہوگا اور پھر فیصلہ کن میچ۔