0
Sunday 17 Aug 2014 21:27

کراچی، ایس ایچ او پریڈی غضنفر کاظمی قتل کیس میں کئی ملزمان زیر حراست

کراچی، ایس ایچ او پریڈی غضنفر کاظمی قتل کیس میں کئی ملزمان زیر حراست
اسلام ٹائمز۔ ایس ایچ او پریڈی انسپکٹر غضنفر کاظمی کے قتل کے شبے میں کئی مشتبہ افراد کو حراست میں لیا گیا ہے، جن کے نام صیغہ راز میں رکھتے ہوئے شہر کے مختلف علاقوں میں چھاپے مارے گئے، تفتیشی پولیس کی جانب سے چھاپوں کا سلسلہ مزید بھی جاری ہے۔ ذرائع کا کہنا ہے کہ آئندہ چند روز میں تفتیشی پولیس غضنفر کاظمی کے قاتلوں کا سراغ لگانے میں کامیاب ہو جائے گی۔ تفتیشی ذرائع کا کہنا ہے کہ تفتیشی پولیس فائرنگ کے واقعے سے قبل انسپکٹر غضنفر کاظمی کے روٹ کے مقام پر لگے ہوئے سی سی ٹی وی کیمروں کی فوٹیج بھی حاصل کرنے کی کوشش کر رہی ہے جس سے تفتیش میں مزید اہم پیشرفت کی امید ہے۔ انھوں نے بتایا کہ غضنفر کاظمی کے قتل کے جائے وقوعہ سے ملنے والی نائین ایم ایم پستول کے خولوں کی فرانزک لیبارٹری میں میچنگ کا عمل جاری ہے تاہم اب تک فرانزک ماہرین کو کسی قسم کی کامیابی حاصل نہیں ہو سکی ہے۔ تفتیشی پولیس غضنفر کاظمی کے موبائل فون کا کال ڈیٹا بھی حاصل کر لیا ہے جبکہ تفتیشی پولیس قتل کی جیو فینسنگ کرانے پر بھی غور کر رہی ہے ادھر انسپکٹر غضنفر کاظمی کے قتل کی تفتیش ایس آئی او نبی بخش سے ایس آئی او گارڈن منتقل کر دی گئی ہے۔
خبر کا کوڈ : 405274
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش