QR Code

کوئٹہ میں آن لائن نیوز ایجنسی کے دفتر پر فائرنگ، 3 صحافی جاں بحق

29 Aug 2014 00:13

اسلام ٹائمز: بلوچستان حکومت کی جانب سے مذمتی بیان میں واقعے کو جمہوریت اور آزادی صحافت کیخلاف قرار دیا گیا ہے جبکہ مختلف سیاسی، مذہبی جماعتوں کی جانب سے مذمت کرتے ہوئے کہا حیا ہے کہ واقعہ میں ملوث افراد کو گرفتار کرکے قرار واقعی سزاء دے جائے۔

اسلام ٹائمز۔ کوئٹہ کے علاقے جناح روڈ پر واقع کبیر بلڈنگ میں آن لائن نیوز کے دفتر پر نامعلوم افراد نے داخل ہوکر اندھا دھند فائرنگ کی۔ جس کے نتیجے میں آن لائن نیوز کے بیورو چیف ارشاد مستوئی، رپورٹر غلام رسول اور اکاؤنٹنٹ محمد یونس موقع پر جاں بحق ہو گئے۔ واضح رہے کہ ارشاد مستوئی بلوچستان یونین آف جرنلسٹس کے جنرل سیکرٹری بھی تھے۔ واقعہ کی خبر پھیلتے ہی مختلف سیاسی، مذہبی جماعتوں کی جانب سے مذمت کرتے ہوئے کہا کہ واقعہ میں ملوث افراد کو گرفتار کرکے قرار واقعی سزا دی جائے۔ وزیراعلٰی بلوچستان ڈاکٹر عبدالمالک بلوچ ترجمان وزیراعلٰی جان محمد جمالی، صوبائی وزراء میر رحمت بلوچ، میر اظہار کھوسہ، اپوزیشن مولانا عبدالواسع، اراکین اسمبلی حاجی گل محمد دمڑ، منظور کاکڑ، نصراللہ زیرے اور دیگر نے واقعہ کی مذمت کرتے ہوئے کہا کہ واقعہ دراصل جمہوریت اور آزاد صحافت کے خلاف ہے۔ جس کی جنتی بھی مذمت کی جائے کم ہے۔ انہوں نے کہا کہ اس طرح واقعات کا ہونا ملک اور صوبے کیلئے اچھا نہیں۔ صوبے کی آواز اٹھانے کیلئے میڈیا نے جو کردار اد ا کیا وہ قابل ستائش ہے۔ انہوں نے کہا کہ ہم دعاگو ہیں کہ اللہ تعالٰی جاں بحق ہونے والے افراد کے درجات بلند فرمائیں اور لواحقین کو صبر و جمیل عطاء فرمائیں۔

خبر کا کوڈ: 407154