اسلام ٹائمز۔ وزیر دفاع خواجہ آصف نے کہا ہے کہ عمران اگر وکیلوں اور صحافیوں کو پیسے دینا ثابت نہ کرسکے تو انہیں سیاست چھوڑ دینی چاہیئے۔ اپنے ایک بیان میں خواجہ آصف کا کہنا تھا کہ سابق چیف سیکریٹری نے پرویز خٹک حکومت کے خلاف چارج شیٹ جاری کی تھی، عمران خان کو یہ چارج شیٹ پڑھنی چاہیئے۔ ان کا کہنا تھا کہ عمران ثابت کرکے دکھائیں کہ میں نے وکیلوں اور صحافیوں کو پیسے دیے ہیں، ورنہ سیاست چھوڑ کر کرکٹ کی کوچنگ کریں۔ کرکٹ کی کوچنگ عمران کے لئے سیاست سے بہتر میدان ہوگا۔ خواجہ آصف نے کہا کہ عمران خان نے زندگی میں سچ بولنے کے سوا ہر کام کیا ہے۔ اب وہ اپنی شخصیت کے گرداب میں خود پھنس چکے ہیں۔