اسلام ٹائمز۔ وفاقی وزیر خواجہ سعد رفیق نے کہا ہے کہ عمران خان کتنے دن تک دھرنا دیں گے۔؟ وہ الٹے بھی لٹک جائیں تو وزیر اعظم مستعفی نہیں ہوں گے، تمام سیاسی جماعتیں آئین اور پارلیمنٹ کے لیے متحد ہوگئی ہیں۔ جبکہ جے یو آئی کے سربراہ مولانا فضل الرحمان نے اسپیکر قومی اسمبلی سے مطالبہ کیا ہے کہ وہ تحریک انصاف کے استعفے قبول کریں، اسپیکر قومی اسمبلی سردار ایاز صادق نے کہا ہے کہ مفاہمت کی خاطر استعفے رکھے ہوئے ہیں، ورنہ جو فیصلہ ایوان کرے گا وہی ان کا فیصلہ ہوگا۔