0
Friday 12 Sep 2014 23:01

کراچی، لیاری میں دستی بم حملہ میں 8 افراد زخمی، سرجانی میں موٹرسائیکل میں نصب بم برآمد

کراچی، لیاری میں دستی بم حملہ میں 8 افراد زخمی، سرجانی میں موٹرسائیکل میں نصب بم برآمد
اسلام ٹائمز۔ شہر قائد کے علاقے لیاری میں گینگ وار کے دہشتگردوں کی جانب سے دستی بم حملے سے 8 افراد زخمی ہوگئے جبکہ پولیس نے سرجانی ٹاؤن میں موٹر سائیکل میں نصب بم کو ناکارہ بنا دیا۔ تفصیلات کے مطابق لیاری کے علاقے مرزا آدم خان روڈ پر گینگ وار کے دہشتگرد کارندے دستی بم پھینک کر فرار ہوگئے جس کے نتیجے 8 افراد کو معمولی زخم آئے جنہیں اسپتال منتقل کر دیا گیا۔ واقعے کے بعد پولیس کی بھاری نفری علاقے میں پہنچ گئی اور دہشتگردوں کی تلاش شروع کر دی گئی ہے۔ دوسری جانب کراچی کے ہی علاقے سرجانی ٹاؤن میں تخریب کاری کیلئے کھڑی کی گئی موٹرسائیکل میں نصب بارودی مواد کو ناکارہ بنا دیا گیا ہے۔ ایس ایس پی ویسٹ کے مطابق موٹر سائیکل سڑک پر اسٹارٹ کرکے کھڑی کی گئی تھی جس میں 2 سے 3 کلو بارودی مواد نصب کیا گیا تھا جبکہ بارودیی مواد ریموٹ کنٹرول ڈیوائس کے ساتھ نصب کیا گیا تھا جسے موقع پر پہنچ کر ناکارہ بنا دیا گیا ہے۔ پولیس کا کہنا ہے کہ موٹر سائیکل کو شہر میں تخریب کاری کیلئے استعمال کیا جا سکتا تھا تاہم کامیاب کارروائی کرکے شہر کو ناخوشگوار واقعے سے بچا لیا گیا ہے۔
خبر کا کوڈ : 409391
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش