0
Sunday 14 Sep 2014 23:18

فوج اور حکومت کے درمیان کوئی اختلافات نہیں، خواجہ آصف کی ایک اور وضاحت

فوج اور حکومت کے درمیان کوئی اختلافات نہیں، خواجہ آصف کی ایک اور وضاحت
اسلام ٹائمز۔ وزیر دفاع خواجہ محمد آصف نے فوج اور حکومت کے درمیان اختلافات کی خبروں کو مسترد کرتے ہوئے کہا ہے کہ بعض عناصر فوج کو سیاست میں گھسیٹنے کی کوشش کر رہے ہیں، تاہم فوج نے اس تاثر کو غلط کر دکھایا ہے۔ سرکاری خبر رساں ادارے کے مطابق خواجہ آصف کا کہنا تھا کہ حکومت اور فوج کے درمیان کسی قسم کا کوئی اختلاف نہیں جبکہ فوج نے پہلے ہی واضح کردیا ہے کہ اسلام آباد میں جاری دھرنوں سے اس کا کوئی تعلق نہیں۔ انہوں نے کہا کہ فوج ملکی تاریخ کی مشکل ترین جنگ میں مصروف ہے اور دہشت گردوں کے خلاف جاری ” آپریشن ضرب عضب” ایک ایک دہشت گرد کے خاتمے تک جاری رہے گا۔ وزیر دفاع کا کہنا تھا کہ دھرنوں اور آزادی مارچ نے ملکی معیشت کو اتنا نقصان پہنچایا ہے جو حالیہ بارشوں اور سیلاب سے بھی نہیں ہوا، انہوں نے کہا کہ دھرنے کے منتظمین اپنے غیر جمہوری مطالبات پر بضد ہیں جبکہ حکومت لچک کا مظاہرہ کرتے ہوئے ان کی سرگرمیوں کو برداشت کر رہی ہے۔
خبر کا کوڈ : 409719
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش