اسلام ٹائمز۔ عوامی نیشنل پارٹی کے صدراسفندیارولی خان نے پشاورمیں ہونے والے دھماکے کی مذمت کی ہے اورکہا ہے کہ ایسی مذموم کارروائیوں سے عوام اورسیکورٹی اہلکاروں کے حوصلے پست نہیں ہونگے۔ پشاورمیں جاری کئے جانے والے بیان میں اسفندیارولی خان کا کہناتھا کہ ملک کاامن سبوتاژکرنے والے پاکستان کے خیرخواہ نہیں ہوسکتے۔ ان کا کہناتھا کہ صوبے کے حکمرانوں عوام کوبےیارومددگاردہشت گردوں کے رحم وکرم پرچھوڑکراسلام آبادفتح کرنے کےلئے دھرنے میں جابیٹھے ہیں جوقوم کے لئے لمحہ فکریہ ہے.