اسلام ٹائمز۔ انجمن اخبار فروشاں کوئٹہ بلوچستان کا ایک اہم اجلاس محمد یوسف بلوچ کی زیرصدارت منعقد ہوا۔ اجلاس میں جنرل سیکرٹری سمیت دیگر عہدیداران نے شرکت کی۔ اجلاس میں ڈی جی پی آر کے تبادلے کے حوالے سے حکومتی رویئے کے خلاف 24 ستمبر کو بلوچستان اسمبلی کے اجلاس کے بائیکاٹ کے جوائنٹ میڈیا ایکشن کمیٹی کے فیصلے کی مکمل تائید و حمایت کی گئی اور کہا گیا کہ انجمن اخبار فروشاں میڈیا ایکشن کمیٹی کا حصہ ہوتے ہوئے اس کے ہر فیصلے پر عملدرآمد کو یقینی بنائے گی۔