اسلام ٹائمز۔ سوات میں دہشتگردوں نے فائرنگ کرکے عوامی نشینل پارٹی کے مقامی رہنماء محمد اشرف خان کو قتل کردیا۔ پولیس کے مطابق سوات کے علاقے مٹہ میں نامعلوم ملزمان نے فائرنگ کردی جس کے نتیجے میں عوامی نیشنل پارٹی کے مقامی رہنماء محمد اشرف خان جاں بحق ہوگئے۔ دہشتگردوں کی فائرنگ سے ایک پولیس اہل کار بھی زخمی ہوا ہے، جاں بحق ہونے والے اشرف خان کی نعش اور زخمی پولیس اہلکار کو فوری طور پر اسپتال منتقل کیا گیا، پولیس کے مطابق محمد اشرف خان امن کمیٹی کے رکن بھی تھے۔