عالمی عدالت پیرس میں ریکوڈک کیس کی سماعت 5ویں روز بھی جاری

اسلام ٹائمز۔ بلوچستان کے اہم پروجیکٹ ریکوڈک کی لیز کی منسوخی کے خلاف پیرس میں کامرس کی عالمی عدالت میں سماعت پانچویں روز بھی جاری رہی۔ میڈیا رپورٹ کے مطابق ریکوڈک پروجیکٹ کی لیز کی منسوخی کے خلاف کنیڈا اور چلی کی کمپنیوں نے اپیل دائر کر رکھی ہے۔ جس کے دفاع کے لیے وفاقی حکومت کے نمائندے اور بلوچستان کے وزیراعلٰی ڈاکٹر عبدالمالک خود بھی موجود ہیں۔ اپیل میں برطانیہ کے سابق وزیراعظم ٹونی بلیئر کی اہلیہ چیری بلیئر پاکستانی حکومت کی طرف سے وکلاء کے پینل کی سربراہی کررہی ہیں۔ ریکوڈک پروجیکٹ لیز کے 2 اہم گواہ معروف سائنسداں ڈاکٹر ثمر مبارک اور بلوچستان کے سابق چیف سیکرٹری یعقوب بابر آج اپنا بیان ریکارڈ کرائیں گے۔