Sunday 12 Oct 2014 18:33
اسلام ٹائمز۔ پاکستان عوامی تحریک کے زیراہتمام فیصل آباد کے دھوبی گھاٹ گراونڈ میں عوامی جلسے کا آغاز ہوگیا ہے۔ پاکستان مسلم لیگ قاف، سنی اتحاد کونسل، پاکستان عوامی تحریک، منہاج القرآن اور مجلس وحدت مسلمین کے رہنما اور کارکن ہزاروں کی تعداد میں جلسہ گاہ میں موجود ہیں۔ جلسے سے مجلس وحدت مسلمین پاکستان کے مرکزی رہنما علامہ اعجاز بہشتی نے خطاب کیا اور زور دار نعروں سے لوگوں کے جذبات کو ابھارا، جلسے میں جوش و خروش دیدنی ہے۔ یاد رہے کہ اسٹیج کے سامنے علما، قائدین اور سیاسی شخصیات کے لیے الگ بیٹھنے کی جگہ بنائی گئی ہے۔ پاکستان کے تمام میڈیا گروپس کی جانب سے جلسے کو بھرپور کوریج دی جا رہی ہے اور مبصرین دھرنا دینے والی دونوں جماعتوں کیطرف سے ملک بھر میں شروع کئے جانے والے جلسوں کو انقلاب اور آزادی مارچ کی حکمت عملی میں اہم تبدیلی قرار دے رہے ہیں۔ جلسے میں شرکت کے لیے انقلاب مارچ کے تمام قائدین فیصل آباد میں پہنچ چکے ہیں۔ قائدین کی فیصل آباد آمد پر پھولوں کی پتیاں نچھاور کی گئیں اور ڈھول کی تھاپ پر رقص کرتے ہوئے کارکنوں نے انہیں خوش آمدید کہا۔ جلسہ رات گئے تک جاری رہے گا۔
خبر کا کوڈ : 414322
منتخب
27 Mar 2024
27 Mar 2024
27 Mar 2024
27 Mar 2024
27 Mar 2024
26 Mar 2024
26 Mar 2024