اسلام ٹائمز۔ برطانوی پارلیمان میں مظلوم فلسطینی عوام کے حق میں قرارداد منظور ہونے پر اسرائیل نے ناراضی کا اظہار کرتے ہوئے خبردار کیا ہے کہ فلسطینی ریاست کو تسلیم کرنے سے متعلق قرارداد کی منظوری امن مذاکرات کی راہ میں رکاوٹ بن سکتی ہے۔ اپنے ردعمل میں اسرائیلی وزیر خارجہ لائیبرمین نے کہا کہ قبل از وقت فلسطینی ریاست کے لئے بین الاقوامی برادری کی طرف سے تسلیم کئے جانا خطرے کی گھنٹی ہے۔ سویڈن حکومت کی جانب سے فلسطین کو تسلیم کئے جانا ایک بڑا سیاسی دھچکا ہے۔