اسلام ٹائمز۔ جماعت اسلامی کے سربراہ سراج الحق نے کہا ہے کہ سندھ کی تقسیم کرنے کی بات صرف شوشہ ہے، اکیس نومبر سے تحریک پاکستان کے عنوان سے تحریک چلائی جائے گی۔ گڈو میں صحافیوں سے بات چیت اور کشمور میں جلسے سے خطاب میں سراج الحق نے کہا کہ ملک میں غریب اور امیر کا فرق ختم کرنا ہو گا، 21 نومبر سے تحریک پاکستان کے نام سے تحریک شروع کر رہے ہیں، تحریک ضرور کامیاب ہوگی۔ انہوں نے کہا کہ حکومت نے جو وعدے کیے ہیں وہ پورے ہونے چاہییں، بے روزگاری عروج پر ہے، ہم مڈٹرم الیکشن نہیں چاہتے لیکن اگر حکومت کا یہی رویہ رہا تو حالات مڈٹرم انتخابات کی طرف چلے جائیں گے۔