بنوں جیل کے باہر پی ٹی آئی ورکروں کے گو نواز گو کے نعرے، آئی ڈی پیز نے پٹائی کردی

اسلام ٹائمز۔ آئی ڈی پیز کی رہائی کے موقع پر پی ٹی آئی کے ورکروں کی نعرے بازی سے آئی ڈی پیز نے مشتعل ہو کر نعرہ بازی کرنے پر ورکروں کی پٹائی کردی۔ شمالی وزیرستان کے آئی ڈی پیز ضمانت پر رہا ہو کر باہر آرہے تھے تو پی ٹی آئی کے ورکرز سنٹرل جیل بنوں پہنچے اور گو نواز گو اور عمران خان کے حق میں نعرہ بازی شروع کی جس پر شمالی وزیرستان کے آئی ڈی پیز مشتعل ہو کر پی ٹی آئی کے کارکنوں پر حملہ آور ہو گئے تاہم شمالی وزیرستان متاثرین کے مشران کی مداخلت پر پی ٹی آئی کے کارکنوں کو بچا لیا گیا۔