اسلام ٹائمز۔ فرانس نے خبردار کیا ہے کہ یورپ کو اسلام پسند جنگجوؤں کی طرف سے حملوں کا حقیقی خطرہ ہے، اس لیے یورپی یونین کو اِن ممکنہ خطرات سے نمٹنے کے لیے تیار رہنا چاہیئے۔ گزشتہ روز فرانسیسی وزیر داخلہ نے برسلز میں منعقد ہوئی یورپی وزرائے داخلہ کی میٹنگ میں کہا کہ عراق اور شام میں داعش کے ہمراہ جہاد کے لیے جانے والے یورپی باشندوں کی تعداد میں اضافہ ہوتا جا رہا ہے اور ایسے امکانات ہیں کہ ان میں سے کچھ واپس آ کر اپنے اپنے متعلقہ ممالک میں حملے کر سکتے ہیں۔ ایک اندازے کے مطابق یورپ بھر سے تقریبا تین ہزار افراد عراق اور شام میں لڑائی کی خاطر جا چکے ہیں، جن میں سے کچھ واپس بھی آ چکے ہیں۔

اسلام ٹائمز