QR Code

ایم ڈبلیو ایم پاکستان کے سیکرٹری امور خارجہ کو ڈاکٹریٹ مکمل کرنے پر تبریک پیش کرتے ہیں، غلام محمد فخرالدین

11 Dec 2014 23:16

اسلام ٹائمز: اپنے ایک بیان میں ایم ڈبلیو ایم شعبہ قم کے سیکرٹری جنرل کا کہنا تھا کہ علامہ شفقت شیرازی کا مختلف سیاسی و اجتماعی کاموں میں بھرپور فعالیت اور مصروفیات کے باوجود مدارج علمی کے حصول میں محو رہنا میدان عمل میں حاضر علماء کرام اور جوانوں کیلئے ایک آئیڈیل کی حیثیت رکھتا ہے۔

اسلام ٹائمز۔ مجلس وحدت مسلمین پاکستان شعبہ قم کے دفتر سے جاری بیان میں سیکرٹری جنرل حجت الاسلام والمسلمین غلام محمد فخرالدین نے ایم ڈبلیو ایم پاکستان کے سیکرٹری خارجہ امور علامہ سید شفقت حسین شیرازی کو انٹرنيشنل كالجز آف اسلامک سائنسز (لندن) سے اکنامکس میں پی ایچ ڈی کی ڈگری حاصل کرنے پر مبارک باد دی ہے۔ اپنے اس بیان میں ایم ڈبلیو ایم شعبہ قم کے سیکرٹری جنرل نے پاکستان کے علم دوست طبقے کیلئے اسے قابل تحسین امر قرار دیا ہے۔ ان کا مزید کہنا تھا کہ علامہ شفقت حسین شیرازی کا مختلف سیاسی و اجتماعی کاموں میں بھرپور فعالیت اور مصروفیات کے باوجود مدارج علمی کے حصول میں محو عمل رہنا میدان عمل میں حاضر علماء کرام اور جوانوں کیلئے ایک آئیڈیل کی حیثیت رکھتا ہے۔ حجت الاسلام والمسلمین غلام محمد فخرالدین نے علامہ شفقت حسین شیرازی کی اس کامیابی کو مجلس وحدت مسلمین سمیت تمام نظریاتی حلقوں کی کامیابی قرار دیا ہے۔ 

خبر کا کوڈ: 425055