اسلام ٹائمز۔ دیر بالا کے نواحی علاقے میں اشتہاری ملزم کی گرفتاری کے لئے آنے والی پولیس پارٹی پر ملزم نے فائرنگ کردی، جس کے نتیجے میں ایک اہلکار جاں بحق اور ایس ایچ او سمیت 3 اہلکار زخمی ہوگئے ہیں، ملزم کو گرفتار کرلیا گیا ہے۔ پولیس کے مطابق نہاگ درہ کے علاقہ بانڈئی میں اشتہاری ملزم ظفر کی موجودگی کی خفیہ اطلاع پر پولیس نے ایک گھر میں چھاپہ مارا، جس پر ملزم نے پولیس پارٹی پر فائرنگ کر دی، جس کے نتیجے میں سب انسپکٹر تھانہ جاگام سراج موقع پر ہی جاں بحق اور ایس ایچ او سمیت تین اہلکار زخمی ہوگئے، ملزم ظفر کو گرفتار کرلیاگیا ہے، زخمی اہلکاروں کو فوری طور پر پشاور کے اسپتال منتقل کردیا گیا ہے، ملزم ظفر پولیس کو متعدد مقدمات میں مطلوب تھا۔